"Wala naman si Franco dito, eh." Sabi niya. "Ganito na lang kapag nandito si Franco tawagin mo akong Ma'am pero kapag wala siya dito tawagin mo ako sa pangalan ko."
"Kung iyan ang gusto mo, Ma-Dana pala," mayamaya ay wika ni Joan sa kanya.
Nakangiting tumango naman si Dana dito. Pagkatapos niyon ay nagpatuloy na ito sa paghiwa ng mga sangkap na gagamitin nito sa pagluto. Tinulungan naman na niya ito, kinuha niya ang ibang gulay, hinugasan at binalatan niya ang mga iyon.
"Ouch," mayamaya ay napatingin siya kay Joan ng marinig niya ang pagdaing nito. Nakita niyang hinawakan nito ang daliri nito at nang tingnan niya iyon ay nakita niyang dumudugo iyon. Mukhang aksidente nitong nahiwa ang daliri nito ng naghihiwa ito.
"Anong nangyari sa yo, Joan?" Tanong ni Manang Luming.
"N-nadulas
