Seraphine Rose
Nagising ako na may mabigat sa ibabaw ng bewang ko at mga hita ko. Dahan-dahan kong minulat ang mga mata ko at natagpuan ko ang sarili ko na nakakulong sa mga malalaking braso ni Zachary.
Sa akin siya nakaharap ng higa habang yakap-yakap ang bewang ko at nakapatong ang binti sa ibabaw ng hita ko. Para kong mahabang unan kung dantayan niya. Tumingin ako sa kabilang gilid ko at nakikita ko na ang carpet dahil nasa dulong-dulo na ko ng kama. Pero imposible pa rin na mahulog ako sa higpit ng yakap niya sa akin.
Inalis ko ang braso niya sa bewang ko at dahan-dahan akong naupo sa kama. Nang makaupo agad akong napatingin sa likod ni Zachary. Nakita ko si Ashlyn na tulog na tulog pa rin at halos nasa kabilang dulo na rin siya ng kama. Konti na lang mahuhulog na siya. Ang laki-lak
