-Jewel-
Kasalukuyan akong nasa apartment at nagpapahinga dahil kakarating ko lang din at masakit na rin ang naging katawan ko dahil sa halos dalawang araw din ang duty ko, mabuti na lang at pumasok na ang mga kasamahan kong doctor ng sa ganoon ay makapagleave ako ng dalawang-araw dahil sa feeling ko ay magkakasakit na rin ko dahil sa kawalan ng tamang pagtulog. Napatingin pa ako sa kisema at hindi ko namamalayan na tumutulo na rin pala ang aking luha ng hindi ko namamalayan, sa totoo lang ay nalulungkot ako at parang ayaw ko na lang din munang gumalaw sa aking pagkakaupo dito sa sala ng aking bahay. Kahapon ko pa kasi nalaman na sa susunod na araw na pala ang kasal ni Marco at ng girlfriend nitong hindi pa rin pinakikilala sa buong publiko, ayon sa news mahiyain daw ito at hindi sanay sa
