“MISIS KO!”
Nagmamadaling bumaba sa sasakyan niya si Cohen nang maiparada niya sa labas ng kanilang bahay ang kaniyang kotse. Halos tumakbo na rin siya papasok.
Nasa gitna siya ng kaniyang meeting kanina nang makatanggap siya ng tawag mula sa kaniyang asawa. Hindi niya alam kung ano ang nangyari kay Hada, kasi hindi naman ito nagsabi sa kaniya. Basta ang sinabi lang ng kaniyang asawa ay umuwi raw siya. Sa labis na pag-aalala niya dahil sa nahimigan niyang nanginginig nitong boses ay kaagad siyang napalabas ng kaniyang opisina. Iniwan niya ang kaniyang meeting at nagmamadaling nagmaneho pauwi ng Paraiso. Jesus! Isa’t kalahating oras din ang biniyahe niya para lamang makauwi sa kaniyang asawa. Panay mura na nga rin siya kanina sa daan dahil sa traffic.
“Hada! Hada! Misis ko where are you?
