Pagkatapos naming kumain ay agad din kaming inihatid ni Pinuno patungo sa tarangkahan ng akademya. Ngayon ko lang din na-realize na kaya pala pamilyar sa akin ang emblem na nakatatak sa pinto ni Pinuno gayundin sa kaniyang cloak ay nakita ko iyon sa libro na pilit ipinapabasa ni Kylo sa akin. Nabanggit kasi ni Pinuno ang tungkol sa aklat kayaʼt naalala ko ang makapal na librong iyon.
Pawang may kinalaman ang librong iyon sa mundong ito. Wala naman kasi akong natatandaan na mayroon akong librong makapal at medyo luma na. Kayaʼt maaaring iyon din ang sinasabi ni Pinuno na pinili ako ng libro kahit pa naguguluhan pa rin ako sa nangyayari.
“Paalala nga pala. Hindi naman sa nakikialam ako sa punong-guro ng akademya pero simulan niyo nang ihanda ang inyong mga sarili upang magsanay. Darating
