TAHIMIK na inilibot ni Jade ang tingin sa kabuuan ng mansiyon nila Robert. It’s a modern Spanish style mansion. Napakalaki niyon at may malawak pang garden at swimming pool. Kararating lang nila rito sa San Fernando, La Union mula sa halos limang oras na biyahe.
Isang naka-unipormadong kasambahay ang sumalubong sa kanila pagpasok nila sa loob ng bahay.
“Si Mama?” tanong ni Robert dito.
“Nasa kitchen ho, Sir. Sandali ho at tatawagin ko,” sagot nito.
“Ako na ang tatawag sa kanya,” pigil dito ng binata. “Pakikuha na lang ang gamit ng mga bisita natin at i-akyat mo na sa guest room.”
Agad namang tumalima ang ang babae. Iniwan sila ni Robert sa living room at pumunta sa kitchen. Ilang sandali lang ay bumalik rin ito kasama ang isang may edad na babae. Napatayo sila ni Jhermaine mula s
