Chapter 35
TAPOS na ang bakasyon kaya balik eskwela na kami. Ni hindi ko nga man lang masyadong naramdaman dahil sa pagiging abala sa trabaho. Umuwi naman ako sa probinsya pero dalawang araw lang ako roon dahil may trabaho nga ako rito sa Manila. Pasasalamat ko na lang na pinagbigyan akong mag-live kahit dalawang araw. Kapag may pasok ay part time lang ako. Tuwing bakasyon lang talaga ako nakakapagtrabaho ng regular. Sayang naman kung palalampasin ko ang pagkakataon. Malaking tulong din ito sa amin.
"Gabriella, wala ng yelo. Kumuha ka nga muna," utos ng Ate ko rito sa Restaurant kaya nagmadali na akong kumilos.
Pumasok ako sa kusina para kumuha ng ice cubes na ilalagay sa milktea. Kinuha ko ang styro na paglalagyan ng mga yelo. Kasing laki lang iyon ng styro ng ice candy, maliit lang
