•Eychan•
Kaagad akong lumabas sa cubicle pagkatapos kong mag-ayos. Napasinghap ako sa gulat nang makita si Thunder doon na nakaunot ang noo at hindi maipinta ang reaksyon ng mukha.
Akala ko kasi ay nauna na itong umalis dahil wala na naman akong narinig kanina sa labas. Hinawakan niya ang aking kamay kinuha roon ang wet wipes at hinila ako palabas.
"Thank you," walang kangiti-ngiti niyang saad sa babaeng hiniraman niya at hinila na ako palayo. Nang makarating kami sa isang sulok na hindi masyadong dinadaanan ng tao ay kaagad kong hinila ang kamay ko palayo dahilan para mapatigil ito at lingonin ako. "Ano na naman ang problema, Eychan?"
"Bakit hindi ka man lang ngumiti habang nagpasalamat sa babaeng iyon? Ano na lang ang sasabihin nila?" Napaawang ang kanyang mga labi habang nakatingin
