Isang araw na ang lumipas mula ng mabawi ni Hale si Samara sa kamay ni Maric pero hanggang ngayon ay hindi parin ito nagigising. Kahit isang Segundo ay hindi iniwan ni Hale ang dalaga at kahit ka-unting idlip ay hindi nito nagawa dahil hinihintay nya ang pag-mulat nito. Hindi din sya lumalabas ng kwarto nya kaya pinadadalhan nalang sya ng pagkain ng kanyang ina.
Nag-aalala man ang ina ni Hale sa kanya ay naiintindihan nito ang nararamdaman ng panganay nyang anak. Saksi sya kung gaano nito kamahal si Samara at alam nya na mabigat at masakit dito ang pinagdadaanan nito. Pinapanalangin nalang nya ang mabilisang pag-gising ni Samara dahil gusto nya na muling makita ang malawak na ngiti ng kanyang panganay.
Nanatili naman sina Ruhk sa mansion nina Hale upang paghandaan ang nalalapit nil
