ANG MAGING AKIN KA (Romance/Action)

KABANATA 13

PAUNAWA:

Araw-araw po akong magdadagdag ng chapter.

Ang storyang ito ay under revision.

Salamat po sa pang-unawa. 

MAVERICK'S POV

SINUNDAN ko si Rina sa sementeryo ng mag-alala akong mag-isa lang siyang pumunta doon.

"Im sorry, ngayon ko lang din napansin na third year death anniversary ngayon ng mommy at ate Jenyl nya."... Naalala kong sabi ni Rico ng tawagan ko ito ng tuluyang pumasok si Rina sa gate ng sementeryong yon.

Gaya ng gusto ni Rina, plano kong ipacancel na kay Rico ang dinner date namin ni Rina at hindi na siya isama sa lakad ko ng isang linggo.

Pagbibigyan ko siya ngayon na layuan ako pero pagbalik ko hindi na ako papayag.

God knows, ang pakiramdam ko ngayon gagawin ko lahat makasama lang siya.

Napakuyom ang kamao ko nang mula sa malayo ay matanaw ko na ang paghagulgol niya sa harap ng mga puntod. Parang madudurog ang puso ko habang palapit sa kanya, ramdam na ramdam ko ang paghihinagpis niya.

Natigilan siya ng maramdaman ang paglapit ko. Napansin ko agad ang apat na puntod na magkakatabi doon. Tatlong Rejares at isang iba ang apelyido.

"Namatay ang Kuya George at fiancee niya dahil sa aksidente sa sasakyan, four years ago. Sa sumunod na taon, sabay din na namatay ang mommy at Ate Jenyl nya, nalunod si Jenyl habang inatake naman sa puso ang mommy niya habang sinasagip si Jenyl."...