“AWKWARD! Ang awkward nito, promise!” halos tili ni Arnie habang nakaupo ito sa back seat ng Land Cruiser ni RGL.
Nauna na si Bien at maghihintay na lang ito sa Jaen kung saan sila lilipat uli ng sasakyan. Ayaw ni RGL. Pero wala din itong nagawa dahil iyon ang iginiit niya.
“Hey, love birds! Kunwari na lang wala ako dito, ha?” dumukwang ito sa harapan kung saan sila naka-puwesto. “Magsa-sound trip akong mag-isa ko at bahala kayo kung ano pag-uusapan ninyo, ha? Susko, nakakaloka kayong dalawa!”
“Puwede ka namang sumali sa kuwentuhan,” nakangiting sabi dito ni RGL.
“Nako, alam ko namang may mga bagay na mas dapat ninyong pag-usapan at hindi naman ako talaga kasali doon.”
“Arnie, this is nothing serious. Ano ka ba?” baling niya dito. “Let’s just talk casually.”
“Kagaya ng ano? Ng kung
