CHAPTER 27
THIRD PERSON POV
Dalawang buwan na ang lumipas mula nang bumalik sina Mae at Ashero sa Maynila. Akala nila, babalik lang ang buhay nila sa normal—si Ashero sa pagiging doktor at si Mae sa paghahanap ng bagong direksyon sa buhay niya. Pero sa mga nakalipas na linggo, napapansin ni Ashero ang mga pagbabago kay Mae.
Una, mas madalas siyang matulog. Madalas siyang hinihila ng antok kahit umaga pa lang. Pangalawa, bigla-bigla siyang nagiging maselan sa pagkain—mga paborito niyang ulam dati, ngayon ay ikinakasuklam niya. At pangatlo, ang pinakanakakabahala—madalas siyang nagsusuka tuwing umaga.
At ngayon, eto na naman sila sa banyo. Nakaupo si Mae sa sahig, nakasandal sa dingding, habang si Ashero ay nakaluhod sa harapan niya, hawak ang buhok niya habang patuloy siya sa pagsusuka
