┈┈┈┈◦•✩•◦┈┈┈┈
Magkakasama ngayon sila Rouge, Clyde at Ethan. Kagagaling lamang nila sa isang lunch meeting dahil sa itinatayo nilang negosyo. Masaya silang nagkukuwentuhan dahil nagkabalikan na si Rouge at si Kimie. Lahat ng pangarap ni Rouge ay tuluyan na niyang nakamit.
"So happy for you, bro. I'm glad na natapos na ang lahat ng paghihirap mo. Natapos na ang pagdurusa ng puso mo, at ngayon ay magiging ama ka na." Sabi ni Ethan. Natawa naman ng mahina si Rouge, tinapik ang balikat ni Ethan at nagpasalamat ito.
"Kaya pala nawala kang bigla. Tinatawagan kita, puro send ka lang ng message sa akin, at lagi mo lang sinasabi na sinusungkit mo ang bituin, iyon pala ay sinusuyo mo na si Kimie. Pero congrats bro at magiging tatay ka na pala." Sabi ni Clyde. Masaya ang mga ito para kay Rouge da
