┈┈┈┈◦•✩•◦┈┈┈┈
Nasa tabing dagat sila Rouge at kasama niya ang lahat ng kanyang mga pinsan. Hapon na, at hinihintay nilang lumabas sila Kimie dahil sa sinasabi ni Nicole na plano nito. Hindi man sinasabi sa kanila ni Nicole kung ano man ang plano nito, pero sinabi niya kay Rouge na maaaring ito ang maging dahilan ng pagkakabalikan nila ni Kimie. Umaasa naman si Rouge, ito ang pinakahihintay niyang sandali, ang bumalik sa buhay niya si Kimie.
"Ang tagal naman, lalabas pa ba ang ex mo? Nasa labas na sila Kayden oh, pero ang ex mo at ang pinsan niya ay wala pa." Sabi ni Nicole. Simple namang lumingon si Rouge na kunwari ay nag-iinat lang upang hindi sila mapansin nila Kayden. Pagkatapos ay nagsalita si Rouge upang sagutin ang sinabi ni Nicole.
"Huwag kang mainip, ganitong oras ay lumalabas
