"Akala ko sa linggo pa tayo aalis ate? Bakit ang aga naman ata?" takang tanong ni Kiko habang inaayos ko ang mga gamit namin sa bag.
Napatigil ako at nilingon ko ang kapatid ko. Nginitian ko ito.
"Ayaw mo pa bang umuwi sa bahay natin?" kalmadong tanong ko.
"Gusto po pero sabi niyo po kasi sa linggo pa po tayo aalis." paliwanag niya.
Bumuntong hininga ako at pinagpatuloy ang ginagawa. Ayaw ko ring magtagal pa lalo dito at para na akong dinudurog ng pinong pino.
"Kailangan na din tayong bumukod bunso. Nakakahiya na rin kasi dito. Natanong ko naman na si uncle Nardo kanina at patapos na lahat sa bahay." paliwanag ko habang nakatingin parin siya sa aking nakasimangot.
"Ate Carmella?" Tawag sa akin Latina na kinalingon namin sakanya ni Kiko habang nasa pintuan at nakakapit ang kamay sa h
