Paikot-ikot akong naglalakad sa kuwarto ko. Kapag napagod o nahilo na ako sa paglalakad ko, lilingunin ko ang phone ko na nasa ibabaw ng mesa ko. Lalapitan. Titignan kung may natanggap ba akong mensahe mula kay Valentin. Kapag nakita kong wala, babalik na naman ako sa paglalakad.
Ngayon ang araw na itinakda ni Valentin para sa magiging kasagutan ko sa kanya at hanggang ngayon, hindi pa rin ako nakakapagdesisyon. Maghapon ko iyong pinag-isipan at naubos ang oras ko pero hanggang ngayon ay wala. Wala pa rin akong desisyon.
Natatakot ako. Takot na takot tatlong araw na mula nang ipadala sa akin ni Valentin ang picture namin dalawa. At sigurado akong magagalit nang sobra si Miguel kapag nakita niya iyon. I am sure he will break up with me, curse me, and hate me. At hindi ko kaya iyon. Pero
