Isang linggo na magmula ng dumating si Daddy Ben dito sa bahay. Mabilis ang recovery nito, siguro dahil sa mga anak namin. Paggising kasi nito, sa silid kaagad ng mga bata ang punta.
Napatingin ako sa labas, masayang-masaya si Daddy Ben, habang sa gilid niya nandoon si Emely. Mapait akong napangiti, ibang klase din talaga ang nurse na ‘yun, akala niya hindi ko napapansin na madalas, tulala ito sa mukha ng matanda.
Kung si Donna, mapang-akit ang galawan kay Daddy Ken, itong isa naman ay very demure. Maasikaso, tinalo pa si Manang Analyn. Papalapit na ang dalawa sa pwesto kung saan ako nakatayo ngayon. Nakangiti lang ako ng lampasan ako ng babae. Si Daddy Ben naman ay hinalikan ako sa noo.
“Anak! Jevie! May naghahanap sayo sa labas,” sigaw ni Manang na nagpangiti sa akin ng lihim.
“S
