ELLY
May magandang ngiti sa aking labi nang maimulat ko ang mga mata sa umagang ito. Maliwanag na sa labas ng bintana ng kuwarto namin ni Liam, kaya alam kong tinanghali na naman ako ng gising ngayon. Dalawang buwan na mula nang makabalik kami mula sa honeymoon naming dalawa ni Liam matapos ang kasal, mula noon ay mas ramdam at pansin ko ang lalong pagkulay ng bawat minuto ng buhay ko kasama ang asawa't anak ko.
Maraming nangyari sa loob ng dalawang buwan, parang biglang bumilis ang panahon. Gayunpaman ay masasabi kong mas lalong sumaya ang bawat araw ko. Knowing na wala na akong hinahanap na tao, at lahat ng kailangan ko sa buhay ko ngayon ay narito na sa akin. Kuntento na ako sa buhay ko, masaya ako na maging may-bahay ng Liam ko. Kahit medyo busy siya sa work at minsan gano’n din
