"Walang klase ngayon. May cleanup drive." Anunsyo ni ma'am sa harap. Friday ngayon. At base sa announcement ni ma'am, mukhang makakapagpahinga ako ngayon.
Napadukdok na lang ako sa table ko habang iyong iba kong kaklase y nagsitayuan na para kumuha ng walis, dustpan, at kung ano pang pwedeng ipanglinis.
Pwede rin namang hindi makapagpahinga.
Cleanup drive... president ako ng student council pero hindi ko alam ang tungkol doon. Siguro si Deanne na naman ang may sabi nito at hindi niya na naman ako in-inform! Kainis talaga iyong demonyo na 'yon, e.
Cleaners naman kami ngayon kaya rito na lang ako sa classroom mag-i-stay at maglilinis– kung sipagin ako pero... ako sisipagin? Ha-ha. Pinapatawa ko ba ang sarili ko? Kailangan pa ako naging ganito?
"Jazz, tayo. Ilalabas 'tong mga upuan."
