KAHIT nanghihina ay nagbantay muna si Tanya sa mga magulang nilang nasa ICU. Maya't-maya itong umiiyak na kinakausap ang mga magulang niya. Nasa tabi lang naman nito si Leo. Inaalalayan siya at hinahagod sa likuran.
"Ano ba, Tanya? Nakakarindi ka na d'yan! Lumabas ka na nga! Gusto ko na ring magpahinga!" asik ni Gela dito.
Kasama kasi nila si Gela pero natutulog na ito. Nagpahid ng luha si Tanya na napasulyap sa kinakapatid niya.
"Pasensiya na." Paumanhin nito na namamalat ang boses dala ng pag-iyak.
"Tara na, baby. Kailangan mo na ring magpahinga, hmm? Nanghihina ka pa." Malambing saad ni Leo sa asawa nito.
Napaikot naman ng mga mata si Gela na. Nakatalikod siya sa gawi ng mag-asawa. Kanina pa nagpupuyos ang loob niya dahil kasama nga niya si Leo pero ni tapunan siya ng sulyap a
