Chapter 70
Nagising ako sa katok sa pinto.
”Nathan?” si ate Blessing. ”May bisita ka.” biglang tumalon ang sikmura ko. ”Kahapon ka pa sa kuwarto, bumangon ka muna at kumain, mag-aalas-kuwatro na.”
”Sino?” tipid ko’ng sagot.
”Sina tito Eric.” sagot ni ate.
“Sino’ng kasama niya?” tanong ko uli, parang kinukusot na ang tiyan ko.
“Si Dr. Aahmes.”
Biglang bumagsak ang sikmura ko at muling namanhid ang aking katawan.
“Sila lang?” paninigurado ko.
“Oo, Nathan, kumain ka muna.”
”Hindi ako gutom. Pakisabi masama pakiramdam ko. Ayoko’ng makipagkita kahit kanino.”
”Nathan, kailangan mo’ng kumain,” pilit ni ate, ”gusto mo, dalan na lang kita ng pagkain?”
”Hindi ako gutom.” ulit ko.
Umalis si ate Blessing, pero napalitan ito maya-maya ng mas malakas na katok.
”Nathan, p’wede ba tayo
