HANNA APRIL BRILLENTE
“Sino ‘yung tumawag?” tanong ko kay Gino nang sa wakas, after fifteen minutes ay bumalik na siya sa office. Halos nakatapos na rin akong kumain at tinirhan ko na lang siya ng para sa kaniya dahil nakailang subo pa lang naman siya kanina.
“Resort,” tipid niyang sagot nang bumalik siya sa tabi ko. “You done?”
“Oo. Ubusin mo na ‘yan. Busog na ‘ko.”
Bahagya siyang tumango at nagsimula na ulit kumain. “Pagkatapos kong kumain, ihahatid na muna kita sa bahay.”
“H’wag na. Dito na lang muna ‘ko. Sabay na tayong umuwi.” Sumandal ako sa couch niya at itinaas ang mga paa ko, pinagkrus ko iyon.
“No, babe. Hindi ka makakatulog dito nang maayos. Maingay sa labas.” Saglit niya akong sinulyapan habang gumagalaw pa rin ang bibig niya sa pagnguya.
“Wala akong kasama sa bahay nati
