HANNA’s POV
“Mhie, pakitanong nga si Jake kung Maganda ang last name ni Minzy na ex-girlfriend ni Gino. ASAP.”
Nanginginig ang mga daliri ko habang tina-type ang message na iyon kay Phoenix. Nang mai-send ko ay agad kong ibinalik sa bulsa ng aking palda ang cell phone ko at muling itinuon ang atensyon sa bago naming teacher. Kay Ma’am Minzy. Abala siya sa pagdi-discuss. Itinutuloy niya lamang ang itinuro sa amin ni Sir Alvarez last time.
“Check mo na. Baka nag-reps na si Phoenix,” bulong sa ‘kin ni Kim. Iyon ay dahil nakita niya ang ginawa kong pagta-type dahil nakasilip siya sa screen ko kanina.
Nang maramdaman ko ang pag-vibrate ng cell phone ko sa bulsa, halos nagmadali ako na muli iyon dukutin.
“Oo raw. ‘Yun daw ‘yung last name sabi ni Jake. Minzy Maganda. Bakit?”
Nanghina ang
