“PARE, himala yata at tahimik ka?” tanong sa kanya ni Jake, ang isa sa mga ka-grupo niya sa Turbulence habang kausap ito via video call kasama si Martin. Nasanay na kasi ang mga kaibigan niya na palagi siyang maingay, makulit at madaldal.
“Wala, may iniisip lang.”
“Come on, share it with us. Baka may maitulong kami.”
Humugot siya ng malalim na hininga saka sinabi ang lahat ng nangyari sa kanila ni Isla.
“Pare, gusto ko lang naman magsimula ng bagong buhay kasama siya,” sabi pa niya.
“Siguro brad, mas mabuting bigyan mo muna siya ng space. Nabigla lang siya sa nangyari,” payo ni Martin.
“I agree. Saka hindi kasi madaling pumasok sa isa pang relasyon matapos ng nangyari. I’m sure, ganoon ka rin.”
Hindi
