Dumaan ang mga araw, naging natural na kay Nico ang palagiang magkasama nila ni Alex. Sa bawat pag-uwi niya sa bahay sa probinsiya, sa pagwo-work out at sa lahat ng kanyang mga showbiz commitments. Natapos na rin ang kanyang pagre-record ng bagong song album at pinaghahandaan na niya ang launching sa susunod na linggo. Naging abala siya sa mga TV at radio guestings para sa promotion ng nasabing album.
Sa condo unit ni Nico ay abala na si Alex sa kanyang kuwarto sa pag-empake ng kanyang mga gamit. Nilulukuban siya ng matinding lungkot na magtatapos na ang papel niya kay Nico bilang personal assistant nito. May parte ng katawan niya ang nasasaktan sa kanyang pag-alis, ito ay ang puso niya. Matatalo na ba siya kay Menchu sa pustahan? Napatunayan niya na may pakiramdam pala ang kanyang puso
