"Naandito na ang dalawa cute na chikiting na kamukha ni mommy," wika ng kapapasok na dalawang nurse na tig-isang karga ang anak nila.
Ayun naman ang mister niya akala mo na starstruck sa bagong dating na mga babies.
Napairap pa ng mata dito si Lovelyn sa tulalang mister, nakatitig sa papalapit na nurse. Pambihira talaga ang asawa niya hindi lang himatayin iyakin pa. Nagpunas kasi ito ng luha kaya ang biyenan at nanay Nora niya tawang-tawa sa asawa niya.
"Ginoo! Anak, masyado mo niyuyurakan ang lahi ng mga Santillan. Aba'y napaka hina ng loob mo," tukso rito ng Ina ni Wyatt.
Nalukot naman ang mukha ng asawa niya dahil sa sinabi ng Ina. "Ma! Gano'n po talaga kapag mabait," laban pa nito sa mama Melissa.
Hindi na nito pinansin ang pangangatwiran ni Wyatt at nag-unahan ang dalawang matand
