Napatigil ang lahat dahil sa saad na iyon ni Rowena. Sumulyap si Lovelyn sa katabing asawa, napangiwi siya ng makita ang pagsalubong ng kilay nito pagkatapos ay dumilim ang mukha at umigting ang panga.
Tinapunan nito ng masama tingin si Rowena pagkatapos ay sa Mama nito na biglang naputulan ng dila ng titigan ni Wyatt ng may babala.
Gustong magdiwang ni Lovelyn sa naging hitsura ni Rowena, sandali itong namutla. 'Buti nga sa'yo matakot ka sa tingin ng asawa ko,' gusto niyang isambulat sa makapal na pagmumukha nito. Ngunit sadyang wala itong kahihiyan sa katawan at nagawa pang magbiro.
"Ah, hehe nagbibiro lang ako Wyatt, masyado naman seneryoso," bawi ni Rowena nang makita nito ang galit na mukha ni Wyatt.
"Oo nga hijo, parang hindi mo pa alam noong bata pa kayo masyadong palabiro ito k
