"Ito ang bahay ni Maynard?" namamangha na wika ni Lovelyn kay Wyatt, pagtapat nila sa remote na gate.
Super yaman naman pala ng mga magkakaibigan na ito at walang halos tulak kabigin.
Pagpasok nila sa loob lalong namangha si Lovelyn sa ganda ng loob. Mayroon nakatayong malaking fountain sa gitna. Kumikislap ang tubig dahil LED lights sa paligid nito. Sa kabilang side ang pahabang swimming pool at ang carpark mayroon nakaparadang ibat ibang uri ng mamahalin na kotse. Wow na wow na wika ni Lovelyn sa isip.
Sabay silang lumabas ni Wyatt sa kotse nito at magka hawak kamay silang naglakad.
"Bakit hindi tayo patungo sa loob?" usisa ni Lovelyn kay Wyatt nang magtaka sa pagliko nila sa tagiliran ng bahay.
"Heart, nasa likod sila nag-aantay," wika nito. Napa ah, na lang ng sagot si Lovelyn.
"
