ROIDEN PUNDALES
Dali-dali agad akong bumalik sa aking upuan matapos ianunsiyo ni Ben na parating na raw si Terese at ang mga kaibigan nito.
Naghu-hum si Terese pagkapasok ng aming classroom. Magkaklase kasi kami sa isang subject sa semester na ito.
"At sino na namang hinayupak ang naglagay ng isang balot ng bubble joe sa upuan ko?!" sigaw ni Terese. Lumingon agad sa kan'ya ang iilan sa aming mga kaklase.
"Baka admirer mo?" sabi ni Gwyneth.
"Ano ka ba, Terese? Tinatanong pa ba 'yon? Malamang ay kagagawan na naman iyan ni Pundales," sabay lingon sa akin ni Sasha.
Grabe talaga ang bibig nitong isang kaibigan ni Terese. Walang preno. Walang pinapalampas. Lahat alam!
Kinuha ni Terese ang isang balot ng bubble joe na nilagay ko kanina sa kanyang upuan. Saka niya mabilis na ibinato sa akin
