THE NEXT DAY, I woke up with a genuine smile on my face. Alas seis pa lang iyon ng umaga. Iminulat ko ang mga mata ko at agad na nakita ang magandang mukha ng asawa ko na ngayon ay mahimbing pa rin sa pagtulog.
Naka-unan siya sa kaliwang braso ko at nakayakap sa akin. Marahan ko naman siyang hinalikan sa noo bago dahan dahang tumayo. Medyo natigilan pa nga ako nang bahagya siyang gumalaw na parang naabala ko sa pagtulog.
Pero nang mapansing tumagilid lang siya ay tuluyan na akong tumayo para makaligo na. Today is Friday and it’s my last day of work for the week. Hindi rin naman masyadong marami ang nainom ko kahapon kaya hindi masakit ang ulo ko pagkagising ko.
Mabilisan lang ang ginawa kong pagligo. Nang matapos ay agad din akong lumabas sa banyo para makapagbihis na. Medyo kumunot pa
