"Siguraduhin niyo lang na hindi kayo magkakamali. Ito lang ang tanging tiyansa na mayroon tayo at wala nang iba pa. Baka sa oras na pumalpak ang plano natin na ito ngayon, mas mahihirapan na tayong mahuli sila sa susunod at tiyak na lilinisin na nila ang lugar na 'yan," bilin sa amin ni Benjamin.
Narito kami ngayon sa loob ng van na kulay itim. Ibang sasakyan ito at hindi pang tungkol sa detectives na sasakyan. Nang sa gano'n ay hindi mahalata ng ibang tao mula sa loob ng coffee shop na may mga nagmamatyag na pulis sa labas ng kanilang negosyo. Nakabihis na si Paige at para bang hindi pa namin siya nakilala kanina nang makita namin siya. Nakasuot siya ng kulay brown na mahabang wig at medyo kulot. Tapos kakaiba rin ang kaniyang make-up. Kaya halos hindi namin siya mamukhaan kanina. Saman
