Pabiling-biling si Irish sa higaan, pasado ala-una na ng madaling araw pero idlip pa lang ang nagagawa niya simula kanina. Si Mikael naman ay mahimbing na natutulog sa kanyang tabi. Pinagmasdan niya ang asawa, may kakaunting tumutubong balbas na sa may baba nito. At mas maganda sa kanyang paningin kapag may bigote ito, ang lakas ng dating lalo pa at pogi naman talaga ng asawa. Sana makuha ng magiging anak nila ang tangos ng ilong ni Mikael. Ang suwerte niya nga siguro talaga dahil napangasawa nya ang mamang pulis na ito. Hindi man direktang sinasabi nito na mahal siya, pinapakita at pinapadama naman sa kanya araw-araw.
Masuyo niya itong ginising, gusto niyang kumain ng siopao. Yung siopao na asado tapos may matamis na sauce. Ewan ba niya sa baby nila kung kailan naman gabi tsaka naghahan
