GABRIEL: Nandito na ‘ko sa labas.
Lumakas ang kabog ng dibdib ko pagkabasa sa text message ni Gabriel. Nag-angat ako ng tingin sa mga kasama ko sa dorm at mukhang handa na ang lahat sa surpresa namin.
Ramdam ang matinding excitement, inilibot ko ang mga mata sa paligid at nakitang maayos naman na ang mga birthday decorations pati na rin ang mga pagkain sa lamesa.
Kahit last minute lang namin inihanda ang lahat ay nagmukha naman itong birthday surprise kaya nakuntento na ako.
Unti-unting umangat ang magkabilang dulo ng labi ko. Pagtingin ko kay Cara ay magkapareho kami ng ekspresyon ng mukha. “Nandyan na raw siya?” She sounded thrilled as well. Mukhang tulad ko’y ‘di na siya makapaghintay masurpresa ang kaibigan namin.
Bigla-bigla namang dumungaw galing sa likuran ko si Marco kaya nap
