HIHIKAB sana ako nang makita ko ang pagbaling ng tingin ni Ms. Fuentes sa direksyon ko. Pinagdikit ko tuloy ang labi ko dahil mukhang may balak siyang sabihin sa ‘kin. Kabado ako dahil baka may nagawa na naman akong hindi niya nagustuhan nang ‘di ko namamalayan.
“Congrats, Ms. Uy. You got the highest score in our quiz.”
Nakahinga ako nang maluwag sa sinabi niya. Nagpalakpakan naman ang mga kaklase ko. Ilang segundo pa ang nakalipas bago ko naproseso ang sinabi ng PolSci professor ko.
“Bumawi kayo sa mga susunod pa nating quizzes.”
Ako ang nakakuha ng highest score sa quiz niya!
“Thank you, Ma’am!”
“Alright. That’s all for today.”
Kahit na malamig pa rin si Ms. Fuentes sa akin, palagay ko naman sa lahat ay ganito siya, masaya ako dahil muli akong nakabawi sa klase niya. Gusto ko tal
