“Ito na! Nakapili na ‘ko!”
“L-Lahat?”
“Oo sana. Please?”
Isang matamis na ngiti ang gumuhit sa aking labi. Binukas-sara ko ang mga mata ko habang nakatingin kay Marco. Hindi ako sigurado kung tama ba ang ginagawa ko para magkaroon ng puppy eyes o ng nangungusap na mga mata.
Pero nang ilahad niya ang kamay niya sa harapan ko, palagay ko ay epektibo naman ang ginawa ko.
Agad kong ipinatong sa kanyang braso ang mga polo shirts na nakuha ko mula sa clothing rack ng department store. Pagkatapos ay kinuha ko ang leash ni Buster mula sa kanya.
Nandito kami ngayon sa mall kasama si Buster dahil gusto niya ‘kong samahan sa pagbili ng birthday gift ni Gabriel.
He insisted even when I told him that I can manage without him. Ang sabi niya’y ayaw pa rin naman daw niyang umuwi kaya naman hin
