THIRD PERSON POV
"Hindi pa rin po alam kung sino ang lalaking pumasok sa bahay ni Ryan at Wynter. Hindi pa po nakikita." Nakatayo si Dan harap ng mesa ni Don Adolfo at nagre-report dito patungkol sa nakuha niyang update sa mga pulis ukol sa isinasagawang imbestigasyon sa nangyaring insidente sa Villasis Park kahapon. "Nakakapagtaka rin na pati raw po mga CCTV footage sa kalsada kung saan dumaan ang sakay na sasakyan ng lalaki, parang nasabotahe rin kaya walang makitang record ang mga pulis. Hindi rin matagpuan kung nasaan ang sasakyan na ginamit dahil walang plaka."
Bumuntong-hininga ang matanda matapos ang mahabang paliwanag nito. Sa ibang direksyon siya nakatingin habang nag-iisip kung ano ba ang pakay ng lalaking namataan sa bahay ng kaniyang apo kahapon.
"Sa tingin mo ba si Wynter a
