“Hey, wanna be friends with me?” Nagulat ako nang bigla akong kausapin ni Jacob Camilo, isang sikat at mayaman dito sa HIU. Kilala siya bilang anak ng gobernador sa lugar namin pero nakakagulat na kinakausap niya ngayon ang isang tulad ko.
“Ako ba ang kausap mo?” Lumingon pa ako sa likod ko para makasigurado. Isang buwan pa lang mula nang mag-simula ang pasukan at dahil puro mayayaman talaga ang mga nakakasalamuha ko dito, hanggang ngayon ay wala akong kaibigan. Isang hamak na mahirap lang naman kami.
Nagmakaawa nga lang ako kay Mama para pilitin siyang maipasok ako dito sa Harrow International University at dito ako makapag-tapos. Nangutang lang siya ng pera sa mga kakilala niya para makapag-bayad kami ng tuition ko pero ang kapalit no’n ay mas nadagdagan pa ang mga trabaho ni Mama par
