Parang binuhusan ako ng malamig na tubig ng makita ko ang nakakamatay na tingin ni Vaughn. Nakatayo siya sa harapan ng kanyang magarang kotse. Nagngangalit ang mga panga at mariin na nakakuyom ang mga kamay habang pinapatay sa tingin si Rowan. Nakatayo sa likuran niya si James at wala ring ekspresyon na makikita sa itsura nito maliban sa masasakit na tingin. Awtomatiko kong tinanggal ang kamay ko na hawak ni Rowan ng makita ko ang awra ni Vaughn. Nagtaka si Rowan dahil sa inasta ko. Nasundan niya ang tinitingnan ko pero bago pa man siya makalingon, tumakbo na ako palapit sa kinatatayuan ni Vaughn.
“A-anong ginagawa mo dito–”
Hindi ko naituloy ang sasabihin ng hapitin niya ako palapit sa kanyang katawan. Madiin ang pagkakahawak niya sa manipis kong bewang. Ramdam na ramdam ko ang masakit
