Ilang beses na sinubukan ni Olivia ang mag pregnancy kit dahil ilang araw na siyang nahihilo at naduduwal sa tuwing na gigising siya sa umaga at ito nga. Hindi lang isang PT ang nagamit niya dahil positive lahat ang tatlong kit. Buntis siya. Magkakaanak na sila ni Dave. Magiging isang pamilya na sila. Hindi niya mapigilan ang hindi maiyak sa labis na tuwa. Tatlong buwan pa lamang silang kasal ng kanyang asawa at masasabi niyang hindi siya nagkamali sa lalaking kanyang pinili. Napakabuting tao ni Dave at mahal na mahal siya nito. Walang araw na hindi pinaparamdam sa kanya ng asawa ang pagmamahal na iyon.
Kaagad siyang naghanda ng pagkain para pagdating ni Dave ay masorpresa ito. Ipinagluto niya ito ng paborito nitong bicol express na palagi nitong pinapaluluto sa kanya. Nag-order na rin
