Napatingin si Olivia sa hawak na bulaklak ni Dave. Isang bungkos iyon ng rosas. Hindi naman siya pinipigilan ni Dave na umalis ng bahay pero ang gusto nito ay aminin niya sa mga magulang nila na may nangyayari sa kanilang dalawa at hindi niya kayang gawin iyon. Hindi pwedeng may makaalam sa kanilang nakaraan--- 'yon ang hinihiling na kapalit ni Dave kung babalik siya ng mansyon.
"Huwag mong iisipin na bihag kita sa bahay na ito, Olivia. Sabi ko naman sayo hindi ba, kung gusto mong umuwi ay umuwi ka at sabihin mo sa kanila na ako ang kumuha sayo at kung ano ang dahilan ko at kung ano ang ating nakaraan. Okay lang din kung gusto mo akong ipakulong."
"At ano sa tingin mo kung ano ako dito sa bahay mo? Hindi ba parang bihag mo ako sa bahay na ito? Alam mo na hindi ko kaya ang pinapagawa mo.
