Nakatayo sa harapan ng mahabang salamin si Theo. Tinitingnan niya ang kanyang sariling repleksyon at chine-check ang damit na suot-suot na niya pati na rin ang kanyang itsura. Pamaya-maya ay ngumiti siya. Hindi niya akalain na mas may iga-gwapo pa pala siya. Mukha siyang kagalang-galang dahil sa kanyang ayos at suot.
Suot ni Theo ang ilan sa mga ibinili sa kanyang damit ni Ronnie. Una na riyan ay ang puting long sleeve polo na nakasara ang butones hanggang sa kanyang leeg at naka-tuck in sa kanyang suot na pants. Pinatungan niya ito ng kulay dark gray na vest at long sleeve coat. Sa pang-ibaba naman ay ang dark gray slack pants na slim fit ang tabas at bumagay sa long legs niya. Nakasuot din siya ng pure leather na sinturon. Maganda ang fitting ng damit sa katawan niya dahil lumabas pa ri
