Matapos niyang sabihin iyon ay tinalikuran niya na ako. Hinabol ko naman siya kaagad. Napakamatampuhin pa naman ng isang iyon.
"Corps," sigaw ko. Nagpatuloy lang siya sa paglalakad. At siya pa itong may ganang mag-walk out!
"Hindi mo ba talaga ako kakausapin?" Heto na naman ako sa pang-aamo sa kanya. Iba talaga siya kapag nagtatampo.
Hinawakan ko ang braso niya at saka— kinagat.
"Aw! F*ck!" galit niya akong binalingan. "What is your problem, woman?"
Tinaasan ko lang siya ng kilay. Aba! Huwag na huwag niya akong masigaw-sigawan at matawag-tawag na woman!
"Wala." Inirapan ko siya at saka nilagpasan. Siya pa itong nagpapasuyo. Ka-lalaking tao.
Tumikhim muna siya. "Follow my command, Ms. Vera Artilleza."
"Neknek mo!" singhal ko sa kanya. Asa naman siyang susundin ko siya. Ni hindi nga
