MAAYOS na natapos ang klase. Patungo kami sa field ngayon para sa CAT Formation. Na-cancel kasi ang formation kahapon, ngayon talaga ang start. Nagmamadali naman ako para hindi ma-late. Alam niyo na. May parusa kasing naghihintay sa kung sino ang ma-late.
"Pst!" Lumingon ako sa likod. Si Edchelle pala ang sumitsit sa akin. Nakalinya silang mga Bravo at nasa unahan ang kanilang platoon leader na si Hedroso.
"Good luck sa training," she mouthed.
"Good luck din, Edch," sagot ko. Ngumiti muna kami sa isa't isa bago nagpatuloy sa paglalakad.
Nang makarating kami, ang seryosong mukha ni Corps Commander Louie ang agad na bumungad sa amin. May hawak itong rifle. Matikas din ang kanyang tindig. Lalaking-lalaki kung kumilos. Hindi katulad ng ibang estudyante na akala mo nasa elementary pa lang k
