Lumipas ang mga araw at unti-unti na nabili ang ibang gamit nila sa bahay. Nag usap na rin ang tatay niya at ang kapatid na si Loyd.
"Pasensiya na kayo itay, gusto ko mang sumama sa inyo pero pumirma na kasi ako sa trabaho ko ng bagong kontrata. Ginawa nila akong regular at ngayon ay permanente na, isa na po ako ngayon na supervisor!" wika nito sa ama.
Natuwa naman ang tatay niya. " Proud ako sa 'yo anak. Mag-iingat ka dito at mag aral ka mabuti. Umuwi ka 'pag may oras ka." Saad ng ama niya na malungkot, tinapik sa balikat si Loyd.
"Opo Itay, kayo rin po. Sundin ninyo payo ng doktor. Mag padala ako buwan buwan para matulungan ko kayo."
Lumapit si Luisa at ginulo ang buhok ng kapatid. "Tiyak ko na mamimiss kita! 'Wag kang matigas ang ulo dito, ha! Lumayo sa gulo at malayo kami para tulu
