(JARED’S POV)
Magkakasunod kong tinungga ang laman ng bote na aking hawak na may laman na alak. Isang linggo na ang nakakalipas mula nang malaman ko ang lahat-lahat tungkol kina Emil at Sabel. Ngunit hanggang ngayon ay galit na galit pa rin ako at hindi ko matanggap ang panloloko nila sa akin. Subalit mas galit ako sa aking sarili dahil ang laki kong tanga at hindi ko man lang nalaman ang mga kataksilan nila sa akin.
Napapailing na lamang ako sa aking katangahan. Hanggang sa muli kong tinungga ang bote na may lamang alak.
Sa totoo lang ay gusto kong i-untog ang aking ulo sa pader. Hanggang sa bigla akong napatingin sa aking cellphone nang makita kong may tumatawag sa akin. Dali-dali ko naman itong sinagot dahil ang tauhan ko ang tumatawag sa akin.
“Ano’ng balita?” bungad ko agad dito.
