“KAILAN ka babalik ng Australia?” tanong ni Dra. Villardez sa akin habang ako ay tulala pa rin na nakatitig sa flower vase.
“Nagkita na kami,” wala sa sarili kong sagot sa kanya. Lumapit ang anak niya na galing eskwelahan. Nagmano ito sa akin at humalik sa pisngi ng ina bago pumasok ng kuwarto.
“Shaira, my daughter.” Pakilala niya sa anak. Muli ko na namang naalala si Tyler.
“Magkasama kami kanina,”
“Sino?”
Tumingin ako sa kanya. “Tyler,”
Pumunta siya sa kusina para kumuha ng maiinom at agad bumalik. “Malabo. Ang huli kong balita ay pumunta silang ibang bansa simula noong ibenta nila ang bahay sa’yo,” ani pa nito.
Kinuha ko yung wallet at ipinakita sa kanya. Napuno ng gulat ang ekspresyon ng mukha niya habang pilit inaaninag ang litrato.
“Ang laki na niya,” dagdag k
