"Putragis ka talagang bata Voltaire, nasaan ka na ba, bubungangaan na naman ako ng nanay mo mamaya eh! Malamang mainit na naman ang ulo ni Tamara. Haisst! Kung kailan ka naging pilay, saka ka naman di mahagilap." ani Dindo habang naglalakad patungo sa likod ng ospital. Sa tingin niya ay naikot na niya ang buong ospital ngunit hindi pa rin makita ang binata.
Mabilis niyang pinasadahan ng tingin ang paligid ngunit ni anino ng anak ay hindi niya makita. Kaya naman nagpasya na siyang tawagan si Tamara para sabihin na hindi niya makita ang anak sa buong ospital. Kaagad niyang kinapa ang cellphone mula sa kaniyang bulsa at pagkatapos ay idi-nial ang number ni Tamara ngunit bigla siyang nakarinig ng malakas na kalabog sa mismong harapan niya at nang maaninag niya kung ano ang nahulog ay nanlaki
