Nagtatambol ang puso ko nang masulyapan ang pamilyar na sasakyang paparito na sa aking kinaroroonan. Kahit medyo malayo pa siya. Ramdam na ramdam ko na ang kanyang presensya. Bakit ganito ang impak niya sa akin? First time kong naranasan ang ganitong pakiramdam at hindi ko inaasahang sa step brother ko pa. Ang daya nga naman minsan ng mundo, sa maling tao pa talaga ako nakaramdam ng hindi maintindihang pag-ibig na ito.
Ano ba ang gagawin ko? Tatalikod ba ako at magpapanggap na hindi ko namalayang nakarating na siya o magmumukha na lang akong puno rito at tatayo na parang walang buhay? Para naman akong tanga kapag ganoon. Eh bakit ba kasi nagbago pa talaga ang isip niya? Puwede namang huwag niya akong sunduin. Natiis nga niya ako ng kayraming mga araw na hindi hinahatid at sinusundo. Ang
