Abducted 08
Matapos maligo, nagbihis siya sa loob ng walk in closet niya. Ako naman ay nakaupo pa rin sa gilid ng kama. Nakakaramdam na ako ng antok ngunit hindi ko alam kung saan ako matutulog. Puwede ako sa sofa o kaya ay sabihin ko na ibalik na lang niya ako sa dating pinagtutulugan ko na silid. Mas magiging komportable ako roon dahil mag-isa lang.
Halos pikit na ang mga mata ko, napabalikwas lang sa biglaang pagbukas ng walk in closet na iniluwa siya. Nakapatong sa ibabaw ng basang buhok niya ang maliit na puting tuwalya. Nakaputi siyang T-shirt na kapareho ng suot ko. Cotton short na abot sa ibabaw ng tuhod ang pang-ibaba niya. Nakalitaw ang mabalahibo niya na binti at walang sapin ang mga paa.
Umakyat ang mga mata ko dahil sa marahan niyang pagtikhim, napansin yata ang paninitig k
