Araw ng Sabado at maaga akong nagising. Sa totoo lang ay hindi ako nakatulog ng maayos kagabi. Ang bigat bigat ng pakiramdam ko.
Ngayong araw na ‘yon...
Hindi ko alam kung ano ang dapat kong maramdaman. Kung matatakot ba o kakabahan sa mga pwedeng mangyari. Kung bakit ba naman kasi ang bilis sumapit ng weekend!
Pagkatapos ng araw na ‘to ay baka hindi ko na makilala sarili ko. Oo, buong buo ang desisyon ko pero hindi ko talaga maiwasang matakot. Normal lang naman ‘to, ‘di ba?
Isa pa sa mga pinoproblema ko ang katabing condo unit ko. Grabe lang! Kinakain na nga ako ng kaba pagkatapos ay ang lapit pa niya sa ‘kin! Gustuhin ko mang hindi magpakita sa kanya ngayong araw ay napakaimpsible naman dahil pader lang ang pagitan namin. Kahit anong oras ay pwede niya ‘kong bulabugin dito. Baka
